Gadishulli i Ballkanit po ndikohet nga periferia e qëndrës ciklonike e pozicionuar në veri të Afrikës e cila do të kushtëzojë mot të paqëndrueshëm në vendin tonë në fillimin e javës por temperaturat do të jenë të larta .

Në 24 orët e fundit në vendin tonë janë kryer 3700 testime ku kanë rezultuar pozitivë me Covid-19, 631 qytetarë dhe kanë humbur jetën 4 persona. Aktualisht në spitalet COVID po marrin trajtim 167 pacientë, nga të cilët 14 janë në gjendje më të rënduar.

Me përjashtim të ditës së parë të vitit të ri akademik ku pati mosmarrëveshje mes studentëve dhe stafeve të fakulteteve, në vijim rektori I Universitetit të Tiranës Artan Hoxha thotë për Top Channel se situata është normalizuar.

Është arrestuar autori i vrasjes së Florenc Kovaçit, 28 vjeç, dhe plagosjes së vëllait të tij, Mikele Kovaçi, 19 vjeç. Policia arriti që ta identifikojë dhe arrestojë autorin, pas informacioneve në rrugë operative.