Pas vendimit për ndërprerjen e procesit mësimor nga data 24 – 26 janar si pasojë e uljes së temperaturave, ministrja e Arsimit Evis Kushi ka bërë të ditur se njëri nga prindërit me fëmijë të mitur lejohet të qëndrojë në shtëpi pa pasoja administrative dhe financiare.

Në dhjetor, Italia shtrëngoi kufizimet e saj për të gjithë udhëtarët në përgjigje të kërcënimit në rritje të variantit Omicron. Të ardhurit nga vendet e tjera të Bashkimit Evropian tani duhet të bëjnë një test për COVID përpara se të mbërrijnë në vend. Ju mund të tregoni një test negativ PCR të marrë brenda 48 orëve ose një test antigjen negativ të marrë brenda 24 orëve nga mbërritja.

Teksa vendi është përfshirë nga temperaturat nën zero, Instituti i Shëndetit Publik u bën apel qytetarëve të kenë kujdes, të vishen trashë, të pastrojnë zonat ku ka ngricë duke, hedhur rërë ose kripë si dhe të dalin të shoqëruar në ambiente të jashtme.

Ministria e Shëndetësisë ka bërë të ditur se në 24 orët e fundit janë kryer 5 367 testime, nga të cilat kanë rezultuar pozitiv me koronavirus 1 658 qytetarë. Ndërkohë, në 24 orët e fundit kanë ndërruar jetë 8 persona të prekur me Covid-19, ndërsa 2005 janë shëruar.