Athina zyrtare ka reaguar menjëherë dhe ashpër duke kërkuar shpjegime nga presidenca e Shqipërisë në lidhje me ekspozitën me fotografi dhe harta me temë “gjenocidi i çamëve ” dhe “pushtimi i territoreve shqiptare nga Greqia”.

Nga aeroporti i Rinasit, kryeministri Edi Rama ka dhënë një konferencë për shtyp përpara vizitës zyrtare në Romë për bisedime me kryeministrin italian Mario Draghi mbi thellimin e bashkëpunimit dypalësh mes Shqipërisë dhe Italisë.

Ish-kryeministri Sali Berisha ka reaguar fuqishëm pas akuzave të Ramës dhe Bashës se ka heshtur ndaj krimit, madje edhe lidhjet e preteduara prej tyre. Berisha thekson se po merret më fuqishëm se kurrë në jetën e tij politike me botën e krimit, por tani përqendrimi im është total në organizatën me kriminale në Shqipëri, Ballkan dhe Europë që ka goditur pluralizmin politik dhe ky klan është klani Rama dhe peng-Basha.

Në ekspozitën e hapur në sheshin “Skënderbej” , “Në emër të Amerikës”, në kuadër të 75-vjetorit të largimit të misionit amerikan ambasadorja e SHBA-ve në Tiranë Yuri Kim ka mbajtur dhe një fjalë të rastit.