Një aksident ka ndodhur në aksin nacional Korçë-Pogradec dhe si pasojë 6 persona raportohet se janë plagosur. Ngjarja ndodhi në afërsi të fshatit Velitërnë të Maliqit. Sipas informacioneve paraprake mësohet se në këtë vend janë përplasur një furgon, brenda të cilit kishte pasagjerë, me një mjet tjetër. Në vendin e ngjarjes ndodhen dy autoambulanca.

Komiteti Teknik i Ekspertëve do të mblidhet ditën e sotme, ku pritet të bëhet një analizë e situatës së COVID në vend.Mbledhja do të zhvillohet ndërsa varianti Omicron i COVID po shqetëson gjithnjë e më shumë ekspertët shëndetësorë në botë.

Kryeministri Rama të jetë i pranishëm sot në ambientet e stadiumit “Air Albania” për marrjen e dozës së tretë të vaksinës.Vendimi për dozën e tretë jo vetëm për të moshuarit ,por për të gjithë u mor ditën e sotme.

Ministrja e Arsimit Evis Kushi, ka reaguar, pasi në Berat është zbuluar se ishte punësuar një mësues, i dënuar për pedofili. Kushi thekson se ka firmosur sot një udhëzim, që pengon të punësohen në arsim, persona që kanë kryer krime kundër fëmijëve apo që kanë të bëjnë me institucionet arsimore.