Aktualitete

Ditën e mërkurë në vend parashikohet të qarkullojnë masa ajrore të ftohta në orët e mëngjesit. Moti parashikohet me kthjellime dhe alternime vranësirash deri në të dendura në orët e mbrëmjes. Gjatë mëngjesit dhe mbrëmjes prani e mjegullës e mjegullinës. Për shkak të temperaturave të ulëta në zonat malore e përgjatë akseve rrugore prani e akullit. Era do të fryjë nga veriperëndimi e juglindja mesatare e përgjatë bregdetit përkohësisht e vrullshme. Valëzimi i forcës 3 ballë.

Reshje shiu dhe dëbore kanë përshkuar të gjithë vendin, por ARRSH njofton se nuk ka probleme për bllokimin e qarkullimit të mjeteve. Raportohet se kontraktorët kanë punuar gjatë gjithë natës me mjete borëpastruese dhe punëtorë për pastrimin e rrugës nga bora, shpërndarjen e kripës dhe nga materialet inerte ne ato segmente ku kanë vijuar reshjet e shiut.

Reshjet e dëborës që kanë vijuar gjatë pasdites së djeshme dhe gjatë natës kanë krijuar problemet e para në shumë zona të vendit. Sipas informacioneve të Syri Tv nga Dibra është ka probleme për shkak të reshjeve të dëborës në rrugën e Arbrit. Në segmentin nga hyrja e tunelit të Murrizit, i gjithë bay-pasi deri në Xibër Murrizë, segment i rrugës së Arbrit, është i bllokuar.

Rreshjet e borës kanë vijuar gjatë gjithë natës në qarkun juglindor. Nga informacionet e deri më tanishme të siguruara nga Syri Tv dhe Syri.net, mësohet se trashësia në Dardhë ka arritur në 30 cm, prej km të 7 e në vazhdim.

Gadishulli i Ballkanit po ndikohet nga qëndra me presion të ulët atmosferik e cila po vijon rreshje shiu dhe reshje bore intesive në vendin duke përmbyllur vjeshtën.