Majoneze e bere ne kushte shtepie
Majonezi mund të përgatitet në shtëpi sipas recetës se mëposhtme:
Përbërësit për (afërsisht) 300gr majonzë:
2 të verdha veze në temperaturë ambienti
1 lugë gjelle mustardë me shije të fortë
Kripe e piper i bluar në moment
250 ml vaj kikiriku ose 2/3 vaj kikiriku +1/3 vaj ulliri
2 lugë gjelle uthull verë e bardhë ose 2 lugë lëng limoni
Përgatitja:
Mbështesim një tas qelqi (mundësisht) mbi një pecetë të palosur në katërsh. Hedhim në të të verdhat e vezëve, mustardën, pak kripë dhe piper dhe i përziejmë me rrahësin e vezëve me dorë, për 30 sekonda. Shtojmë vajin ngadalë duke e vazhduar pa ndërpreje përzierjen.
Sapo të shohim që majoneza po trashet e hedhim me curril më të trashë vajin pa ndaluar përzierjen. Kur të kemi hedhur të gjithe vajin dhe ai është përthithur komplet e përziejmë për 30 sekonda me shpejtësi derisa majoneza të bëhet e trashë dhe me shkëlqim.
Shtojmë tani uthullën ose limonin, e rregullojmë sipas shijes për kripë e piper.
Shefi këshillon që nëse duam të kemi një majonezë më të lehtë, mund t’i shtojmë, në fund, 50-100g kos të bardhë shumë të trashë, ose djathë të freskët tip si philadelphia ose 2 lugë pana për kuzhinë, të rrahur më parë.
