OSHEE njofton se për shkak të motit të keq, janë shkaktuar disa problematika në rrjetin e shpërndarjes së energjisë në disa zona të kryeqytetit. Në njoftimin zyrtar të tyre, thuhet se defektet raportohen në NST Kashar, Qendër dhe Traktora. Pa energji kanë mbetur pjesërisht zona e Yzeberishtit, Bulevardi “Migjeni” Kashar, rrugët “Azem Meshi” dhe “Engjell Mashi”.

Autoriteti Rrugor Shqiptar ka informuar drejtuesit e mjeteve në vend, në lidhje me akset rrugore të cilat shfaqin probleme si pasojë e reshjeve të dendura të shiut. ARRSH bën me dije se si pasojë e reshje ka rënie gurësh dhe inertesh në akset e rrethit Tropojë, në segmentin Elbasan-Rrogozhinë, si dhe Elbasan-Librazhd.

Përshëndetje nga SHMU! Dita e hënë do të vijojë të mbetet nën ndikimin e masave ajrore të paqëndrueshme. Reshje shiu të herëpasherëshme me intensitet të ulët deri mesatar. Ditën e hënë në lartësin mbi 700 metra në verilindje dhe në lartësin mbi 900 metra në pjesën tjetër të vendit reshjet do të jenë në formënë e dëborës me intensitet të ulët deri mesatar kryesisht pasdite dhe në mbrëmje. Ndërsa ditën e martë reshjet e borës me intensitet të ulët deri mesatar do zbresin në lartësin 400-500 metra në veri-verilindje dhe në lartësin mbi 600-700 metra në pjesën tjetër të vendit.

Tre persona kanë ndërruar jetë dhe një tjetër është plagosur mbrëmjen e djeshme në Kosovë, si pasojë e një sulmi me breshëri arme zjarri mbi autobusin që transportonte nxënës nga Gjakova për në Gllogjan të Deçanit. Shoferi i autobusit Gani Gjokaj dhe dy nxënësit Ledion Hamzaj dhe Gentiana Mustafaj, përkatësisht 16 dhe 17 vjeç, mbetën të vdekur në vdekur pavarësisht se u transportuan për në Spitalin e Pejës, ndërsa një nxënës i katërt ndodhet në spital i plagosur dhe po merr mjekim.