Luan Cenollari, baba i dy fëmijëve humbi tragjikisht jetën në një aksident të ndodhur rreth orës 3 të natës në kryeqytet. Cenollari po drejtonte një mjet tip “Honda” kur u godit nga mjeti tip “Citroen” që drejtohej nga shtetasi Emirjan Doko, që sipas policisë ishte i dehur dhe hyri me semafor të kuq dhe shpejtësi të lartë. Si pasojë e goditjes, Cenollari dhe pasagjeri i tij Ali Bejo humbën jetën. Mësohet se Cenollari ishte polic i burgjeve, përkatësisht forcës operacionale dhe pas punës punonte si taksist për të siguruar disa të ardhura më shumë.

Janë kryer 3,596 testime, nga të cilat kanë rezultuar pozitivë me COVID19, 690 qytetarë, në këto bashki: 297 në Tiranë, 48 në Berat, 33 në Fier, 30 në Kamëz, 25 në Elbasan, 24 në Sarandë, 23 në Vlorë, 20 në Durrës, 16 në Lushnje, 14 në Shkodër, Gjirokastër, 12 në Korçë, 11 në Krujë, Patos, 10 në Kavajë, 9 në Kuçovë, 8 në Lezhë, Dibër, Pogradec, 6 në Mallakastër, Kolonjë, Cërrik, 5 në Kurbin, 4 në Himarë, Devoll, Peqin, 3 në Kukës, Tropojë, Divjakë, Gramsh, 2 në Vau i Dejës, Vorë, Mat, Libohovë, Këlcyrë, 1 në Pukë, Has, Mirditë, Klos, Roskovec, Selenicë, Delvinë, Konispol, Tepelenë, Memaliaj, Dimal, Belsh.

Të kuptuarit se si disa njerëz i rezistojnë natyrshëm infeksionit Covid, pavarësisht se janë të ekspozuar ndaj virusit, mund të çojë në vaksina më të mira, thonë studiuesit. Një ekip në Kolegjin Universitar të Londrës tha se disa njerëz kishin njëfarë imuniteti ndaj COVID-19 edhe para fillimit të pandemisë.

Policia e Tiranës ka identifikuar emrat e dy viktimave që humbën jetën në një përplasje fatale tek kryqëzimi i 21 Dhjetorit pas mesnate. Ata janë Luan Cenollari dhe Ali Bejo, 69 vjeç. Sipas pamjeve, aksidenti ka ndodhur në kryqëzim ku dyshohet se një prej mjeteve, Citroen, ka hyrë me semafor të kuq dhe përplasja ka qënë aq e fuqishme sa janë shkatërruar të dyja makinat. Dyshohet se shoferi Emirjan Doko, 30 vjeç, ka qenë i dehur.