Patate Furre me Hudhra dhe Rozmarinë

Patate Furre me hudhra dhe rozmarinë janë shoqëruese perfekte, sidomos për mish apo gatime të tjera. Janë mjaft aromatike dhe shumë të shijshme.

Përbërësit

• 1 kg patate (të qëruara)
• 2 degë rozmarinë
• 3 thelpinj hudhër
• 30 ml vaj ulliri
• kripë
• piper(të bluar në moment)

Përgatitja

Presim patatet në gjysmë për së gjati dhe pastaj në rreze rreth 2 cm.

U heqim gjethet degëve të rozmarinës dhe i grijmë sa më hollë që të mundemi.

Më pas qërojmë dhe grijmë hollë hudhrat.

I hedhim patatet në një tepsi të përshtatshme dhe i përziejmë mirë me kripën, piperin e bluar në moment, rozmarinën, hudhrën dhe vajin e ullirit.

I pjekim në furrë në 180 gradë për rreth 30 minuta. Janë garniturë perfekte për mishëra të pjekur në furrë dhe po kaq, për produktet e skarës.