Reçel me kumbulla, ja mënyra përfekte
Receli i kumbullave është një nga traditat e amvisave shqiptare dhe të sidomos që tani jemi kaq pranë sezonit të gjitha duan të mësojnë ta bëjnë sa më të mirë.
Përbërësit:
▪ 1 kg kumbulla të pastruara
▪ 1 kg sheqer
▪ 1 dl ujë
▪ 1 limon i vogël
▪ një shkopth vaniljeje
▪ fletë shukulli (Resedadorata) sipas shijes
▪ 1 l ujë
▪ 10 gr sodë
Përgatitja:
Në një enë të madhe qitni një litër ujë dhe shtoni sodën e bukës. Kumbullat e qëruara fundosni në tretje dhe lini të qëndrojnë një orë, duke i përzier herë pas here.
Përzieni sheqerin me një filxhan të vogël uji dhe bëni shurup. Në të shtoni limonin e prerë dhe shkopthin e vaniljes dhe kumbullat e pastruara dhe të gjitha bashkë vloni në zjarr mesatar.
Rekomandohet që përbërjen të mos e përzieni, por që herë pas here ta shkundni gjatë zierjes.
Pas 45 minutave verifikoni a është bërë gati reçeli. Nëse jo, zieni edhe afro dhjetë minuta, d.m.th. derisa përbërja të bëhet e dendur.
Reçelin e ftohur vendoseni në kavanoz.
