Tre deri katër të dyshuar me Covid, në ditë kryejnë teste në qendrat shëndetësore verore që janë ngritur në bregdetin e Vlorës. Vetëm në një prej tyre në dy javët e fundit janë konfirmuar pozitivë 7 pushues.

Rreth një mijë forca policore do të angazhohen sot në kryeqytet, në protestën e Partisë Demokratike.Protesta e paralajmëruar sipas organizatoreve do të nise në orën 19:00 dhe do të përfundojë në orën 21:00. Policia nuk ka informacione për skenare që cenojnë rendin, por po implementon në terren planin e masave anti-tubim. Garda do të shtojë sigurinë në institucionet që shtrihen përgjatë bulevardit “Dëshmoret e Kombit”, kryesisht Kryeministrisë.

Për javën që presim përpara vendi ynë pritet të ndikohet nga kushte të qëndrueshme atmosferike me temperatura të “freskëta” në orët e natës dhe jo shumë të larta në ato të mesditës.

Bordi i Transparencës në datë 7 Korrik 2022, në mbledhjen e radhës vendosi: ✅Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 235 lekë/litri, ndërsa i shitjes me shumicë jo më shumë se 223 lekë/litër. ✅Çmimi i shitjes me pakicë i nënproduktit benzinë e standardit SSH EN të jetë jo më shumë se 227 lekë/litri,ndërsa i shitjes me shumicë jo më shumë se 215 ekë/litër. ✅Çmimi i shitjes me pakicë i nënproduktit gaz, të jetë 81 lekë/litri dhe i shitjes me shumicë 69 Lekë /litri.