Qeveria ka vendosur ta shtyje për në shtator paketën e dytë të ndihmës financiare për familjet në nevojë. Ministria e Financave nuk e rishikoi buxhetin, duke i lënë mijëra familje në nëvojë dhe pensionistë pa bonusin prej 3 mijë lekësh gjatë muajve të verës .Fondi Monetar Ndërkombëtar por edhe Banka e Shqipërisë rekomandojnë mbështetjen sa më të shpejtë të shtresave më në nevojë.

Policia e Kosovës, përmes një njoftimi për media ka bërë të ditur se vazhdojnë të jenë të bllokuara dy pikat kufitare Jarinje dhe Bërnjak.

Një ngjarje e rëndë ka ndodhur në Tiranë, ku një 51-vjeçar i identifikuar si Alban Meneri ka vrarë fqinjin pas një sherri për motive të dobëta.

Rasti i parë i lisë së majmunit është regjistruar në Mal të Zi. Lajmin e bëri të ditur Instituti për Shëndet Publik (IJZ), i cili thekson se pacienti është shtetas malazez dhe është në gjendje të mirë aktualisht.