Rama fton edhe Luljeta Bozon të kandidojë për deputete
Kryeministri Edi Rama i ka bërë ftesë inxhinieres Luljeta Bozo të kandidojë për deputete të Partisë Socialiste në zgjedhjet e 25 Prillit.
Lajmi bëhet me dije nga burime për gazetaren e ABC Esiona Konomi.
Mësohet se Bozo do të jetë krah Ramës sot në prezantimin e sfidave për rindërtimin bashkë ministrin e Rindërtimit Arben Ahmetaj dhe kryebashkiakun e Tiranës, Erion Veliaj.
Nuk dihet nëse Bozo do ta pranojë ftesën pasi nuk ka ende nuk reagim zyrtar në lidhje me qëndrimin e saj.
Ditën e djeshme skuadrës rozë iu bashkua shefja e Infektivit Najada Çomo. Ndërsa dy ditë më parë Rama njoftoi largimin e Vasilika Hysit pas 12 vitesh nga grupi parlamentar socialist, ndërsa theksoi se ministrja e Drejtësisë Etilda Gjonaj do të jetë e para e listës për Tiranën.
