Basha thirrje qeverisë: Mos vononi dhënien e ndihmave! Duhet dhe një tjetër paketë ndihme
104 të prekur, 4 të vdekur, një në gjendje kritike për jerën dhe 5 të shëruar. Ky është bilanci i përhapjes së koronavirusit në Shqipëri këtë të hënë, teksa lideri i opozitës Lulzim Basha ka ngushëlluar familjes e dy viktimave të fundit të kësaj dite.
Përmes një deklarate për media, Basha i ka bërë thirrje qytetarëve që të respektojnë rregullat e higjienës, distancimit social dhe karantinimit, si të vetme mënyra për të parandaluar përhapjen e kovid.
Basha po ashtu i ka bërë thirrje qeverisë që të shpallë gjendjen e jashtëzakonshme dhe të urdhërojë bizneset me grumbullim të lartë njerëzish që të mbyllen. Kryedemokrati gjithashtu ka kërkuar nga qeveria që të mos vonojë nisjen e dhënies së ndihmave dhe përtej saj të shtojë një tjetër paketë shtsë për ekonominë.
Basha: Ngushëllime familjeve të viktimave. Një falenderim për qytetarët që respektuan rregullat e karantinës së detyruar. Respektoni pikë për pikë udhëzimet nga Policia. Distancimin social, kufizimin e lëvizjeve për ndalimin dhe ngadalësimin e efekteve të pandemisë.
