Djegia e mandateve, PD mbledh grupin e deputetëve
Kreu i PD, Lulzim Basha ka mbledhur paraditen e së hënës grupin parlamentar ku do të diskutohet akti ekstrem i djegies së mandateve.
Në mbledhje mungojnë aleatët historikë të PD të cilët kanë marrë mandatet si deputetë të PD.
Top Channel kontaktoi me kreun e LZHK, Dashamir Shehun dhe Nard Ndokën, të cilët deklaruan se në parim janë dakord, por këtë presin që ta diskutojnë me Bashën në tryezën e aleatëve.
Ndërkohë që kreu i PR; Fatmir Mediu, i cili ndodhet në Prishtinë, nuk ka pranuar ta komentojë propozimin e Bashës për djegien e mandateve, duke vënë në dukje se për vendimin e Bashës nuk ishte njoftuar, e se ishte njohur vetëm përmes mediave.
